ابداعات

ليه ترضى تكون ع الهامش

كلمات
محمد عبد المنعم

ليه ترضى تكون ع الهامش
نكرة ومحدش عارفك
بالاسم اهو واحد عايش
من غير ما تحقق هدفك

واليأس ارميه ورا ضهرك
انسف أحزانك نسف
ليه راضى تكون كدة عادى
ومكانك اخر الصف
……………………………..
ما انتش صدقنى قليل
واهو خطوة بخطوة هتوصل
لو حتى ف يوم تتكعبل
هتقوم من تانى تكمل

والحلم هيبقى حقيقة
صدقنى ساعات ف دقيقة
الكون كله بيتغير
وبيبقى احسن م الاول
………………………………….
ما تقولش الوقت اهو عدى
والحلم خلاص ده بعيد
قطر الاحلام لو هدى
خد واحد تانى جديد

اصبر على حلمك عافر
ما الدنيا براح قدامك
قادر هتكون وهتقدر
بس انت احضن احلامك
……………………………….

error: هذا المحتوى خاص بجريدة الموجز العربي وهو محمي حسب حقوق النشر وقد يتعرض ناسخ المحتوى للمسائلة القانونية
إغلاق