مقالات الرأي

العبقري النائم

بقلم /فهيم عبده

الإراده تحطم الصخر

المقصود أن العمل الجاد بدون التفكير فى الصعوبات يحقق المستحيل وأهم شئ الإستفادة مما وراء القصة ، وأخذ العبرة وفهم المقصود بها ولو حتى التشجيع …

فإن هذه القصه هي مصدر للتشجيع والإرتقاء بمستوى الطالبات والطلاب

قصه تعطي طاقه إيجابيه ، وروح معنويه عاليه الجوده ، الإحباط صعب بيؤدي إلي الخوف من الأحساس بالفشل .

فالإقناع الداخلي يعطي طاقه لتشغيل المخ والهمم ، فالنجاح لمن يريد ، ويسعي إليه فقط
العزيمه ، والإصرار هم سبب التفوق ، والنجاح والثقه بالله .

القصه هي وجود طالب في جامعة كولومبيا نام في محاضرة رياضيات غصب عنه وصحي على صوت الطلبة لما المحاضرة خلصت .

لقى الدكتور كاتب على السبورة مسألتين، قال دول أكيد مسائل الواجب ونقلهم في كشكوله عشان يروح يحلهم .

لما روح حاول يحلهم لقاهم مسائل صعبة جداااً
بس فضل يحاول ويحاول ويروح المكتبة يجيب مراجع ويدور ويبحث لحد ما قدر بالعاااافية يحل مسألة واحدة منهم بس

في المحاضرة اللي بعدها لقى الدكتور ما سألش على الواجب .

فقام وسأله :- يا دكتور حضرتك ما سألتش على مسألتين الواجب بتوع المحاضرة اللي فاتت اللي كتبتهم على السبورة في آخر المحاضرة .

الدكتور قاله : – واجب ؟

دول ما كانوش واجب ، دا أنا كنت بضربلكم أمثلة على المسائل الرياضية اللي عجز العلم عن حلها .

إندهش الطالب وقاله : – بس أنا حليت واحدة منهم .

وأتسجل حل المسألة في جامعة كولومبيا وإتعرفت بأسمه لحد النهارده .

الطالب ده حل المسألة لسبب واحد بس إنه ما سمعش الدكتور وهو بيقول :
” مفيش حد عرف يحلها ” .

أقنع نفسه إنها لازم تتحل ، فلما جرب طلع بيعرف

الخلاصه :
ماتسمعش لحد يقولك مش هتقدر .

تقدر تعمل كل حاجه مهما كانت الصعوبات

تقدر تطير من غير جناحات وإياك تقول ما خلاص الوقت فات

أوعي حاجه تكسرك .. خليك حافز لنفسك ، تقدر تعمل كل اللي تحلم بيه ، محتاج بس شويه تحفيز⁦ ، ثق بقدراتك ، أوعي الظروف تعطلك ⁦ ، أبدا بالممكن هتوصل للصعب .

لما تيجي تعمل حاجه أعملها ١٠٠٪؜ حتي لا تندم إذا تم عملها أحسن منك .
عندما تشتغل أشتغل ١٠٠٪؜ و ضع كل طاقتك في الشغل عشان تبقي راضي عنه .
لما تستمتع بوقت أستمتع بيه ١٠٠٪؜ و أفصل من أي حاجه تانيه .
لما تيجي قدامك فرصة حارب عشانها ١٠٠٪؜ بكل ما فيك ، و متسبهاش عشان لو حصل حاجه تبقي عارف إنك عملت كل اللي تقدر تعمله
لما تعمل حاجه حبها ١٠٠٪؜ عشان يبقي عندك شغف بيهاً دايماً ، و تبقي مبسوط و أنت بتعملها حتي لو بتتعب فيها .

لما يكون في حاجه بتزعلك حاول علي قد ما تقدر يكون عندك ردة فعل سريعه ، و تريح دماغك ، و تحاول تتحرك من الموقف السلبي ده بسرعة عشان تقدر تفكر بإيجابية ، و تعوض الضرر اللي حصل .

عيش حياتك بكل ما فيك ، وأفهم إن اللي معاك أنت تستحقه ، و اللي راح راح لحد يستحقه

و تعامل بسلام نفسي دايماً و خليك راضي.
المهم أعمل اللي عليك دايماً عشان متندمش أن كان في حاجات ممكن تعملها و معملتهاش

كل يوم بنسمع عن ناس قدروا يغيروا من حياتهم ، وينجحوا ونحن فخورين بيهم ونحاول نعرف أزاي وصلوا للنجاح والتحول اللي حصل في حياتهم وإنهم أتغلبوا علي مشاكلهم ونجحوا

فيه خمس حاجات تقدر تخليك واحد منهم

  • تحول العقبات الي فرص .
    انك تخلي اي عاقبه تقابلك فرصه للنجاح وتحدي قدامك .
  • توقف الطاقه السلبيه
    كل واحد فينا هو اللي بيدمر نفسه بنفسه انه دايما بيسترجع ادامه الذكريات السلبيه اللي عدت في حياته انسي كل شيء سيء مر في حياتك وفكر في الحاجات الكويسه في حياتك
  • اسأل نفسك تقدر تعمل ايه للاخرين
    علي فكرة انت لما بتساعد الناس انت مش بتعطف عليهم انت كمان بتستفيد خبره كبيرة مكنش ممكن تستفيدها في الدراسه ولا الكتب المدرسية .
  • اسأل نفسك رأيك ايه؟
    لما تشوف حاجه اسأل نفسك رأيك فيها ايه ثم بعدين اسأل الاخرين علي رأيهم وبكدا انت نشطت تفكيرك ومعتمدتش علي رأي الاخرين فقط .
  • هل انت شجاع عشان تقدر تحدث تغيير؟
    والإجابه هتختلف من شخص لاخر حسب امكانيات وقدرات كل شخص اللي هتساعده علي التغيير .

ولكن بالمجهود القليل وبالطاقه الايجابيه وبالاصرار والعزيمة اللي عندك تقدر فعلا انك تحدث تغيير وتحول حياتك من الفشل للنجاح.

اترك تعليقاً

شاهد أيضاً
إغلاق
زر الذهاب إلى الأعلى
error: هذا المحتوى خاص بجريدة الموجز العربي وهو محمي حسب حقوق النشر وقد يتعرض ناسخ المحتوى للمسائلة القانونية
إغلاق